幼稚園面試玩具 – 必看!

【關注幼稚園面試玩具嘅家長必睇】

 
大家係咪都比個標題吸引咗入嚟?今次我想分享係各大平台見到嘅病態 ,無錯,我真心覺得係病態。
 
好多家長係面試前夕,都好容易走火入魔,做所有嘢係為咗面試表現「正確」,無錯,係「正確」而唔係好,好似連幼稚園面試都有marking scheme 咁樣。
 
有好多商人睇中呢個心理,就改用呢個方向去包裝自己嘅產品同服務。
 
我比個例子大家,同一件玩具,普通手抓板:
Version 1: 圖案精美手抓板,幫助幼兒視覺發展及手眼協調
Version 2: 名幼面試必考玩具
 
 
你會選擇買邊個?如果個答案係version 2,即係代表你有機會係玩具嘅過程只追求「正確玩法」,甚至扼殺其他創意可能性。
 
呢個核心價值會係你每一言、每一語反映出嚟,無形中會比小朋友壓力。最後只係一個個倒模出嚟無靈魂嘅「高分低能」。真正識得有創意咁玩玩具比識得「正確操作」更重要,呢個係佢哋最大嘅asset。
 
如果大家覺得呢個post有提醒,記得分享到你Facebook或媽媽Group提醒大家唔好走火入魔!
 

Leave a Comment

發佈留言必須填寫的電子郵件地址不會公開。