慎選早教教材

成日有家長問我點解某大牌子嘅早教教材價值不菲,但係唔太培養到小朋友口語能力,或者只有濃濃嘅傾美式嘅港式口音,而非該教材對外宣稱嘅英式口音。
 
其實當中有幾個因素:

1. 唔係每個聲音演員都係英腔,入面係夾雜住英同美式 🤔 (對於點解該教材要咁設計,我無特別研究。坦白講,我本人有啲驚訝,因該教材嘅sales 不斷對外強調佢地係用英式發音。)

2. 無影片輔助,只有點讀筆同CD,實在難以學習正確發音。淨係 th 音同dark L 音,大家已經企咗係度

P.S. 我之前拍咗兩段片講L音嘅奧秘

3. 語調不自然。聽咗成個教材,暫時未有聽到正常人講嘢嘅語調,難怪單純使用該教材嘅小朋友會聽唔明外國人講嘢。無論語調定語速,都脫離現實。大家簡單聽下Peppa Pig 就知個分別係邊。呢個係最大嘅原因我當時唔選擇。

大家有follow 開我嘅post 或video 都知,以我咁擁護英式口音嘅態度,如果市面上有使用英腔又有效嘅教材,我一定會推薦,但目前為止,我搵唔到。

當然,呢套教材仍然有唔少好處。但海外人學英文最大嘅困難係聽同講,但呢套教材係呢兩個領域上有好進步空間。而 我家就是國際學校 課程當中亦有已購買呢套教材嘅家長,所以我會係program上嘅設計會加強返小朋友同大朋友聽講嘅exposure,完善語境。之前亦有研究指出,改善聽力能有效改善講讀寫嘅能力。可見聽力係語言學習上(#languageacquisition) 係極其重要。但聽力嘅能力基礎唔係指單單聽,而係配合生活經驗,包括真人接觸(口型示範)而累積返嚟。
而呢套教材其他好處,如閱讀專注度,或寫作能力等,市面上仍有性價比更高嘅選擇。

Leave a Comment

發佈留言必須填寫的電子郵件地址不會公開。